كتب/ إسلام العراقي
تداول رواد مواقع التواصل الإجتماعي صور لشاب يحتفل بتخرج والدته من كلية الحقوق، جامعة الإسكندرية، وقدم لها رسالة دعم وحب وتقدير عبر حسابه الرسمي بـ “فيس بوك”
احتفال الشاب بتخرج والدته وحصولها علي ليسانس الحقوق
حيث قام الشاب بمشاركة صورة له تجمعه مع والدته بثوب التخرج وأخوته الثلاثة معلقا عليها “انهارده ماما اتخرجت من كلية حقوق اسكندرية بتقدير عالى ماما مكملتش تعليمها عشان تتجوز وهى عندها 18 سنه وجابت 4 اولاد و بعد طلاقها من بابا من حوالى 10 سنين جالها حاله من الاكتئاب”
واكد أنهم السبب في استكمالها للتعليم حيث قال
“اقترحنا عليها انا واخواتى انها تكمل تعليمها وده ممكن يشغلها شويه من اللى كانت فيه وان حياتها ممكن تتغير شويه وفعلا اخدت القرار ده ودخلت الثانوية العامة وذاكرت واجتهدت وجابت مجموع كبير بعد كده اختارت تدخل كلية الحقوق وفعلا دخلت الكلية وبدأت تحضر المحاضرات وتذاكر زى اى حد لحد ما جه اليوم اللى تتخرج فيه و بتقدير كمان ”
وتابع “انا واخواتى عمرنا ما كنا نتخيل انها توصل للمرحله دى احنا بجد فخوريين بيكى يا امى فعلا علمتينا يعنى ايه مفيش حاجه اسمها مستحيل وان دايما فيه امل انتى مثال للنجاح والطموح ربنا يخليكي لينا وعقبال ما نشوفك احسن محاميه فى مصر لان الحلم و الطريق لسه مخلصش مبروك يا امى”.
