كتب/ إسلام العراقي
انتشر مؤخرا علي مواقع التواصل الاجتماعي، رسالة كتبتها احدي أولياء الامور لابنها، تشجيعا وتحفيزا له بعد انتهاءه من امتحانات الثانوية، خاصة في ظل الظروف العصيبة التي يمر بها الطلاب في هذا العام.
وتضمنت الرسالة ما يلي :
“كريم يا حبيبي مبروك على الأجازة اللي انتظرناها من 12 شهر، أنا أكتر واحدة عارفه إنك تعبت اد اية السنة دي وعارفة كم الضغوطات الي اعترضت لها، بالنسبالي انت بطل مهما كانت النتيجة ومهما كان المجموع ومهما كانت الكلية الي هتدخلها، الي يتحمل كل دة ويفضل مكمل لحد الاخر يبقي بطل”.
وتابعت ” انا عارفة ان نفسك تجيب مجموع وتدخل اعلام وتحقق حلمك وانا كمان يا حبببي نفسي، بس الاهم انت عملت الي عليك والباقي علي ربنا “.
واختتمت رسالتها بتهنئته علي اجتياز الامتحانات قائلة: ” ألف مبروك يا حبيبي ومستنياك لما تيجي نحتفل مع بعض”.
فهدفت الام من وراء هذه الرسالة الي الإشادة بمجهود ابنها وتشجيعه لاستكمال ما بدأه لتحقيق حلمه.
