النظام الغذائي وحده لا يكفي لخسارة الوزن والتخلص من السمنة، لا بد من ضمان زيادة معدلات حرق الدهون في الجسم للحصول على نتائج مرضية وتجنب احتمالية فشل «الريجيم».
وفيما يلى عددًا من النصائح والوسائل الطبيعية التي تساعد في زيادة معدلات حرق الدهون دون الحاجة لأي تدخل طبي :
١- الرياضه على معدة فاضية لها تأثير كبير جدا على حرق الدهون وده نتيجه لعدم توفر الطاقه بالجسم فيلجأ الى استخدام الطاقه المختزنة وهي طبعا الدهون وياريت منزودش الفترة الزمنيه للتدريب الصباحي عن ٤٥ دقيقة عشان نتجنب الارهاق والدوخة نتيجه نقص معدل السكر بالدم .
۲ – شرب الماء اول ما تصحي من النوم وبكميات كبيره كفيل انه يغسل الكليه والكبد والمعدة وكمان بيولد طاقه داخليه لمعادلة درجه حرارة المايه مع درجه حرارة الجسم الداخليه وهي ٣٧ درجه وده في حد ذاته سبب قوي لحرق الدهون عرفتو ليه المايه مفيدة
٣- الكافيين او شرب القهوة .. طبعا الكافيين غنى عن التعريف فى حرق الدهون عشان كده لو معندكش موانع اشرب فنجان الصبح بس لازم تكون معدتك فيها اى اكل عشان متعملش مشاكل فى المريئ وفنجان بعد العصر عشان تحافظ على معدل الحرق طول اليوم وتزود تركيزك .
٤- استخدام النباتات المساعدة قليله السعرات فى نظامك الغذائي هتساعدك جدا فى حرق الدهون زى ( الهليون ، البروكلي ، الفاصوليا الخضرا ، السبانخ )
٥- تقليل الكاربوهيدرات او النشويات مهم جدا فى اي نظام غذائي هتخلي جسمك يحرق اكتر وميخزنش طاقه زايده عن حاجته على هيئه دهون .
٦- استخدام الدهون الصحية فى اكلك زى ( الافوكادو 
، اللوز ، زيت الزيتون ، زبده الفول السودانى 
،الزبدة والسمن البلدي ) لانها اول حاجة بتحل محل الدهون الغير صحيه ثانيا بتساعد فى عمليه بناء العضلات وتحسين المزاج وكمان بتديك طاقه تعوضك بيها عن نقص الكاربوهيدرات .
٧- لو غلطت ولخبطت مش معناها الدنيا خربت زود رياضه وصوم بعد الوجبه اللي لخبطت فيها من خمسه الى تمن ساعات وكمل يومك عادي جدا .
الغلط الحقيقي انك تواصل عك وماتوقفش 
٨- النوم المنتظم ده الضلع الثالث من مثلث الصحة لان هرمون النمو بيزيد اثناء النوم العميق والمنتظم وهرمون الانسولين بيقل بس خد بالك عشان تحقق المعادلة دى متاكلش قبل النوم بساعه ونصف على الأقل.