كتب : محمد محفوظ
يبدو ان قانون الطفل بشكله الحالى سيمثل مهرب لصغار البلطجية فى ارتكاب جرائمهم الدموية دون تلقى العقاب الذين يستحقونه ، فبعد اسابيع من جريمة راجح بمدينة تلا وايضا حادث نرجس والتى قتلها بن اخ زوجها بعد محاوله اغتصابها تتجسد تلك القضية ايضا امامنا ويقف قانون الطفل حائل امام تحقيق العدالة .
واليكم تفاصيل الواقعه وفقا لروايات شهود عيان
من أسبوع كان محمد العربي الشهير بالبودي إللي صورته ادامكوا ماشي بالموتسيكل وباسل ابن احمد الحديدي كمان راكب موتسيكل. قام البودي خبطه. نزل البودي يعتذرله ويراضيه ومشي. باسل مسكتش قعد يشتم فيه. قام البودي رجعله واتخانق معاه وضربه بمطواه في ايده. اهل البودي اللي هما عيلة ابو طالب بعتوا للحاج احمد الحديدي ناس عشان يتصالحوا ويراضوه. الحاج احمد رفض. ومن ساعات لما كان البودي في احد السيبرات دخل عليه باسل واخوه وولد اسمه البؤلة شغال عند الحديدي. وضربه باسل بسكينة في رجله
وف رواية أخرى منذ ساعات قليلة واحد من عيلة طالب ضرب ابن الحاج احمد الحديدي من فتره. ابو الولد كان بره مصر. نزل جري يصالح الحاج احمد. رفض الحاج احمد الصلح. بعد كده الولد ابن البشلة ومعاه اخوه وولد اسمه البؤلة بيشتغل عند ابوه. ابن احمد بسكينة وابن ربيع ببندقية خرطوش وطبعا الكل بيقول ان الولد ١٧ سنة. هجموا علي الولد في سيبر زي ما هتشوفوا في الفيديو. وقام ابن احمد الحديدي بقطع رجله