تقدمنا تكنلوچياً ورغم ذلك نتراجع وننحدر اخلاقياً .. رويات من الواقع الافتراضي
كريم محسن
في السنوات الاخيرة انتشرت مواقع التواصل الأجتماعي وشبكات المحمول وتوجه الكثير منا الي عالم الميديا الخطير وأستخدامه السيئ ومن اخطر هذه الاستخدامات الاستخدام العاطفي الذي افسد الكثير من النساء والرجال وبالأخص الفيس بوك
مشاهدة ثم اعجاب ثم كومنت ثم رسالة علي الخاص
وتبتدي الرواية بالتعارف
احنا اخوات
اكيد واكتر كمان من اخوات
ولكن النوايا بين الطرفين مبنية علي الغدر والخيانة لاهو بقصد اخ ولا هى بقصد اخت
ولكن هم يريدان عشق وتبادل الاهتمام العاطفي الذي ينقصهما سوياًفي حياتهم هو من زوجته وهى من زوجها
ويدور الحديث يوم بعد يوم ارتحتلك وانا كمان نفس الشعور مش عارفه ايه ده وهو كمان وانا كمان
انه المُحن ياسادة انه المُحن
ويدور الحديث والأشتياق بينهما وتبادل الضحكات الممحُنة
ممكن نتكلم فون لأ مش هينفع عشان الاولاد وزوجي زمانه جاي…طب نخليها وقت تاني
ثم يبتدي التبادل والأسكرين وتصوير المحادثات وتسجيل المكالمات والبعض يقع في المعاصي الأكثر
وفي بعض الحالات يبقي الابتذاذ هو اثمن شئ للرجل ويؤدي ذلك الي ارغام السيدة العاشقة المتوهجة بالعشق الحرام الأضطرار الي فعل اي شئ لعدم التشهير بها وبسمعتها الطيبة من الطرف الاخر العاشق القذر
لماذا كل هذا ده سيدتي الفاضلة وسيدي الفاضل
مفيهاش حاجة لو كل زوج خاف الله و اهتم بزوجته وتبادل العاطفة مع زوجته خليك رومناسي وعاطفي مع زوجتك وتبادل الاهتمام وخلي بالك ان اي امرآة زيها زي غيرها ليها زهوة وبتروح زيها زي اي راجل برضو زهوته بتروح
هيا بقت مرهلة بعد الزواج
وانت حاول تبص لكرشك في المراية كل شئ فاني عشق الجسد مش دايم
الست وفي الغالب الست بتكون ضحية بس خلي بالك ياست انك انتي عمود البيت ..ولومال عمود البيت لهدم …
لو الزوج سئ حافظي انتي علي نفسك لو الزوج مش مهتم اشغلي وقتك بالقرآن الكريم انظري لأولادك خليكي انتي الام المشرفة ليهم بنتك اللي ممكن تسوء سمعتها بسببك
ابنك اللي ممكن يتعاير
السيدات المتزوجة من رجال بركة مفيهاش حاجة لو عفيتي نفسك ورضيتي بنصيبك حركي زوجك انتي علميه الكلام
والستات اللي ازواجها مطحونة عشان توفرلها حياة كريمة وهو طالع عينه وهيا مقضياها مُحن
حالات كتير بنعيش معاها والسبب الاول الأبتعاد عن ربنا وقلة الرضا من الطرفين
حبوا بعض احترموا بعض
العشق الاسود نهايته دايماً بتكون سيئة
وحتي لا ننسي كل سيدة وكل رجل محترم شكراً ليكم انكم ناس محترمة وبتحافظوا علي نفسكم وعلي الدين الأسلامي وعلي تقاليدنا وعادتنا المصرية المحترمة
الزوجة عمود المنزل ويكملها الرجل إذا مال هدم المنزل
الزوج دقة بدقة وان ذدتم لذاد السقا
افعل يا ابن ادم ماتشاء كما تدين تدان
احترسوا العشق الاسود الممحُن