التخطي إلى المحتوى
كتب عمرو صقر

يعتبر عم “محمد”، أشيك سواق توك توك من المطرية لديه ابنين ” عبدالرحمن” تالتة ثانوي و”اسماعيل ” في إعدادي.

لم يتمكن اليأس من عم محمد ، المثال الحي علي عدم اليأس و كان يعمل سواق لمدير شركة كبيرة في مدينة نصر، بعد الثورة الشركة أغلقت أبوابها، وقامت بصرف مبالغ مالية كتعويضات بعد 3 سنين ، فى السنة الثالثة، كان يعمل علي أكثر من سيارة، فى أكثر من مكان و اشتري التوك توك بمبلغ التعويض بنهاية الخدمة، وظل محتفظ بمظهره الذى تعود عليه و” هي البدلة والجارفتة والجزمة الي بتلمع” .

ويتمتع عم محمد، بأخلاقه واحترامه للكبير والصغير، وتحدث عن نفسه فخوراُ بمهنته وقال ” انا بقالي سنتين شغال علي التوك توك بتاعي وبنزل كل يوم بالبدلة عشان شغلي علي توك توك مالوش دعوة بمظهري ولا شخصيتي وأنا مش مركب سمعات زي بقيت التكاتك عشان بحب الهدوء ومبسوط ومستريح الحمدلله وراضي بكل حاجة” .

ويفتخر عم محمد بعمله الذى يعتبره قوت يومه، موضحاُ بأن المال الحلال أفصل بكتير من ناس تعمل فى مناصب كبيرة ولكنهم يسرقون قوت الشعب .